Pas vetëdorëzimit në policinë e Kavajvës, Kryebashkiaku i Rrogozhinës, Edison Memolla është transferuar në burgun e qytetit që drejtonte për të vuajtur dënimin me një vit pasi u gjet fajtor për korrupsion zgjedhor në zgjedhjet e pjesshme të vitit 2022. Në vendimin e shpallur, Apeli i Posaçëm i ndaloi gjithashtu Memollës ushtrimin e funksioneve publike për pesë vjet. Ndërkohë, të pandehurit e tjerë në këtë çështje, Blerim Xhamani dhe Ndriçim Tafxhafa, u dënuan me nga një vit burg, ndërsa Isuf Toskut iu konvertua dënimi në shërbim prove. Sipas hetimeve të Prokurorisë së Posaçme, të drejtuara nga prokurori Edvin Kondili, kryebashkiaku Memolla ka ndërhyrë tek punonjësit e OSHEE-së për të mos ndërprerë energjinë elektrike për disa qytetarë, në këmbim të votave në zgjedhjet e mbajtura më 6 mars 2022.