Guvernatori i Bankës së Shqipërisë, Gent Sejko e konsideron një nismë pozitive për ekonominë, amnistinë fiskale. Në një konferencë për mediat, ai u shpreh se kjo nismë do të ndihmonte në formalizimin e ekonomisë si dhe do të ndihmonte në mbushjen e buxhetit të shtetit. Kemi pasur një draft përpara disa kohësh. I kemi dhënë opinionet tona. Opinioni i Bankës së Shqipërisë është thënë edhe përpara Kuvendit. E shohim në funksion të formalizimit të ekonomisë. Rritjen e përfshirjes financiare. Ne kemi edhe një nga objektivat tona, reduktimi financiar. Amnistia fiskale do kishte impakt pozitiv. Do ndihmonte buxhetin e shtetit për të plotësuar nevojat e saj. Guvernatori shprehu qëndrimin e tij të prerë se, amnistia fiskale duhet studiuar mirë pasi një nga kostot më të mëdha do të jetë pastrimi i parave të pista. Ai u shpreh se duhen ngritur mekanizma për të shmangur pastrimin e parave të pista.