Kryeministri Benjamin Netanyahu tha të martën se ushtria izraelite do të nisë një ofensivë tokësore në Rafah "me ose pa" një armëpushim me Hamasin në Gaza. "Ideja se ne do të ndalojmë luftën përpara se të arrijmë të gjitha qëllimet e saj është jashtë diskutimit. Ne do të hyjmë në Rafah dhe do të eliminojmë batalionet e Hamasit atje me ose pa marrëveshje, në mënyrë që të arrijmë fitoren totale," tha Netanyahu tha më tej se asnjë vendim, as në Hagë dhe askund tjetër nuk do ta ndalojë atë pasi do t’I shkojë deri në fund luftës. New York Times duke iu referuar disa zyrtarëve izraelitë njoftoi se Netanyahu mund të jetë mes atyre personave që akuzohen nga gjykata e Hagës për çështjen e luftës. “Qëllimi i këtij hapi, nëse kryhet, është të kërcënojë liderët dhe ushtarët e shtetit të Izraelit, në thelb të paralizojë aftësinë e shtetit të Izraelit për të mbrojtur veten”, nënvizoi Netanyahu që theksoi më tej se “Izraeli pret që liderët e botës të dalin me vendosmëri kundër këtij hapi skandaloz”.