Një zyrtar i lartë amerikan i ka lëshuar një paralajmërim të ashpër drejr kryeministrit te Izraelit Benjamin Netanyahu. Ai tha se nëse Netanyahu lejon që marrëveshja e armëpushimit midis Izraelit dhe Hamasit të dështojë, do të përballet me pasoja të rënda, pasi Trump nuk do ta tolerojë një gjë të tillë. Duke folur për Channel 12, korrespondenti i Axios, Barak Ravid, tha se zyrtari amerikan e kishte paralajmëruar se Netanyahu po “ecën në fije të perit me presidentin Trump”. “Nëse ai vazhdon kështu, do të përfundojë duke e prishur marrëveshjen, dhe nëse e prish, Donald Trump do të hakmerret”, shtoi zyrtari që tha gjithashtu se zëvendës presidenti amerikan, JD Vance, ishte tronditur nga zhvillimet në Izrael. Sipas tij, Vance, gjatw vizites diplomatike qe zhvilloi kete jave, mbeti i habitur kur dëgjoi se parlamenti izraelit, kishte dhënë një miratim paraprak të mërkurën për dy projektligje jo-detyruese që lidhen me aneksimin e pjesëve të Bregut Perëndimor. Votimi u bë pavarësisht kundërshtimit nga Trump, i cili tha muajin e kaluar se nuk do ta lejonte Izraelin të aneksonte Bregun Perëndimor, ndërsa Netanyahu ia kanë vënë fajin opozitës.