Kryeministri izraelit Benjamin Netanyahu tha të dielën se vetëm Izraeli do të vendosë se cilat vende do të lejohen të bashkohen me një forcë ndërkombëtare sigurie të planifikuar në Gaza. Sipas një armëpushimi të ndërmjetësuar nga SHBA-ja mes Hamasit dhe Izraelit, një koalicion i fuqive kryesisht arabe dhe myslimane pritet të vendosë trupa në territorin e shkatërruar palestinez. Por Netanyahu, i cili kundërshton që rivali rajonal Turqia të ketë një rol në forcë, tha: "Ne e kemi bërë të qartë në lidhje me forcat ndërkombëtare se Izraeli do të përcaktojë se cilat forca janë të papranueshme për ne." Kryeministri izraelit Benjamin Netanyahu tha të dielën se, si shtet sovran, Izraeli do të përcaktojë politikën e tij të sigurisë dhe me cilat forca të huaja do të bashkëpunojë. "Ne kontrollojmë sigurinë tonë dhe ua kemi bërë të qartë forcave ndërkombëtare se Izraeli ka fjalën e fundit", tha Netanyahu në fillim të një mbledhjeje të kabinetit. "Kjo, sigurisht, është pranuar nga Shtetet e Bashkuara, siç u shprehën përfaqësuesit e saj më të lartë ditët e fundit." Turqia ka luajtur një rol të rëndësishëm në detyrimin e Hamasit në pranimin e marrëveshjes së propozuar nga Trump, për armëpushimin, dhe ka thënë se është e gatshme të angazhohet me trupa në kuadër të forcës ndërkombëtare që do të monitorojë paqen në Gaza. Por, erdogan ka qenë kritik shumë i zëshëm i Izraelit gjatë luftës në Gaza dhe netanyahu edhe më parë ka shprehur kundërshti për praninë turke në territorin e gazës.