Kryeministri izraelit Benjamin Netanyahu i ka thënë administratës Biden se Izraeli do të godasë vetëm objektivat ushtarake në një kundërsulm kundër Iranit, raportoi Ëashington Post, duke cituar dy zyrtarë të njohur me këtë çështje. Komentet e Netanyahut vijnë pasi SHBA e paralajmëroi publikisht atë se nuk do të mbështeste një kundërsulm ndaj objekteve bërthamore ose atyre të naftës të Iranit dhe kërkoi që lideri izraelit të përmbahej. I pyetur në fillim të këtij muaji nëse do ta pranonte goditjen e objekteve bërthamore të iranit nga Izraeli, Biden u përgjigj me një jo të prerë. Irani lëshoi rreth 180 raketa në Izrael më 1 tetor pasi Izraeli intensifikoi sulmet e tij ajrore në të gjithë Libanin, duke vrarë shumë komandantë të lartë të grupit militant Hezbollah, duke përfshirë liderin e tij, Hassan Nasrallah.