Presidenti turk Rexhep Tajip Erdogan thotë se Irani ka të drejtën "legjitime" për t'u mbrojtur përballë fushatës së vazhdueshme të bombardimeve të Izraelit kundër objektivave ushtarake dhe bërthamore, e cila tani është në ditën e saj të gjashtë. "Është një e drejtë shumë e natyrshme, legjitime dhe ligjore për Iranin të mbrohet kundër banditizmit dhe terrorizmit shtetëror të Izraelit", tha udhëheqësi turk, një ditë pasi ai iu referua kryeministrit Benjamin Netanyahu si "kërcënimi më i madh për sigurinë e rajonit". Ai gjithashtu tha se Netanyahu ia ka kaluar Adolf Hitlerit në kryerjen e "gjenocidit" në Gaza dhe kjo nuk është hera e parë që Erdogan e bën një krahasim të tillë. "Kryeministri Benjamin Netanyahu e ka tejkaluar prej kohësh tiranin Hitler në krimin e gjenocidit. Shpresojmë që fatet e tyre të mos jenë të njëjta", tha ai duke shtuar: "Po bëjmë gjithçka që mundemi për të ndaluar këtë agresion çnjerëzor kundër Gazës, Sirisë, Libanit, Jemenit dhe fqinjit tonë Iranit."