Sekretari Amerikan I shtetit ka zhvilluar këtë të premte një vizitë zyrtare në Izrael, ku është takuar me kreun e këstij shtetit Benjamin Netanyahu. Vizita vjen në kuadër të bisedimeve dhe propozimeve për armëpushim të menjëhershëm me Hamasin, teksa menjëherë pas takimit, kryeministri izraelit deklaroi se me apo pa mbështetjen e SHBA ushtria do të hyjë në Rafah. ‘I thashë Blinken se nuk ka asnjë mënyrë për të mposhtur Hamasin pa shkuar në Rafah dhe pa eleminuar pjesën tjetër të batalioneve. Dhe i thashë se shpresoj të bëjmë këtë gjë me mbështetjen e Shteteve të Bashkuara, por nëse është e nevojshme do ta bëjmë vetëm’, tha Netanyahu. Nga ana tjetër, Netanyahu vlerësoi faktin që SHBA ka luftuar krah Izraelit kundër Hamasit për 5 muaj. Ai gjithashtu shtoi nevojën për evakuimin e civilëve dhe përkujdesjen për ndihmat humanitare. Sipas Netanyahut, para ndërhyrjes në Rafah do të duhet të evakuohen civilët, për të mos sjellë viktima të pafajshme. Sipas tij, ndërhyrja duhet të bëhet patjetër në mënyrë që të shkatërrohet çdo mundësi e kundëreagimeve nga Hamasi.