Qeveria ne Tel Aviv, po shikon me ankth nga Gjykata ndërkombëtare Penale në Hagë, shkriajnë mediat izraelite. Gjykata mund të lëshojë urdhër-arreste ndërkombëtare këtë javë për kryeministrin izraelit Benjamin Netanyahu, ministrin e Mbrojtjes Yoav Galant dhe shefin e Shtabit të Përgjithshëm izraelit, Herzi Halevi. Pak ditë më parë Netanyahu, në një postim në rrjete sociale u shpreh se nën udhëheqjen e tij, Izraeli nuk do të pranojë kurrë asnjë përpjekje nga Gjykata Penale për të minuar të drejtën e tij për vetëmbrojtje. Gjykata Ndërkombëtare Penale kryen hetime kundër individëve, vetëm nëse dyshohet, se ai person është përgjegjës për një nga katër krimet themelore në kohën kur kryen një funksion drejtues: gjenocid, krime të rënda lufte, krime kundër njerëzimit ose luftë agresioni.Që nga viti 2021, GJNP ka hetuar dhunën në Gaza në verën e vitit 2014 dhe krimet e mundshme të luftës kundër atyre që dyshohet se janë përgjegjës në Izrael. Urdhër-arresti për kryeministrin izraelit do të kufizonte rëndë lirinë e lëvizjes së Netanyahut dhe ministrave të cilët gjithashtu mund të kërkohen, pasi të 124 vendeve që e njohin GJNP u kërkohet të arrestojnë personat e kërkuar nëse gjenden në territorin e tyre dhe t'i sjellin ata në gjykatë. Në fund të janarit të këtij viti, GJND-ja njohu "rrezikun e gjenocidit në Rripin e Gazës”. Gjyqi i gjenocidit ka të ngjarë të vazhdojë për muaj apo vite.