Me krizën humanitare në Gaza që po rëndohet gjithnjë e më shumë, dhe me problemet e brendshme të tij, presidenti Joe Biden, po bëhet gjithnjë e më i padurueshëm me liderin izraelit dhe po bën të qartë se SHBA do të veprojë, por pak kush pret një ndryshim dramatik. Zhgënjimi i Bidenit me Netanyahun u zbulua specifikisht, pas fjalimit që presidentia amerikan mbajti para dhomave të kongresit, kur ai u dëgjua duke folur me një senator.Ndërsa u paralajmërua se mikrofoni i tij ishte i ndezur, Biden tha, duke përdorur pseudonimin e Netanyahut, "Unë i thashë, 'Bibi', mos ta përsëris këtë, 'por ti dhe unë duhet të mbajmë një takim të tipit Eja te Jezusi “. Shprehja amerikane,disi e pasaktë kur flitet për një udhëheqës hebre në vendin ku jetoi Jezusi, i referohet një kuptimi dramatik se duhet korrigjuar kursi.Por administrata e Biden, ia ka prerë shkurt aktivistëve që kanë kërkuar që ajo të përdorë një nga format më të rëndësishme të presionit amerikan, reduktimin e ndihmës ushtarake, ndërsa presidenti 81 vjecar i tha kongresit se ai mbetet një mbështetës i izraelit. Megjithatë, Biden i ka kërkuar lidershipit izraelit që të bëjë më shumë për civilët në gaza dhe të lejojë hyrjen e ndihmave humanitare atje.