Kryeministri izraelit Benjamin Netanjahu tha gjatë një vizite te trupat izraelite në Sirinë Jugore se regjimi i Iranit ishte në prag të rënies, teksa konflikti në Lindjen e Mesme ka hyrë në muajit e gjashtë. "Ka ende punë për t'u bërë - detyra kryesore është rrëzimi i regjimit terrorist në Iran. Jemi shumë afër kësaj. E dimë se i gjithë boshti i së keqes përfundimisht do të shembet", tha ai në anën siriane të malit Hermon në kufirin Izrael-Siri. Në këtë vizitë, Netanjahu shoqërohej nga ministri i Mbrojtjes, Israel Katz. Ky i fundit paralajmëroi presidentin sirian, Ahmed al Shara që të mos e çojë ndërmend që të rimarrë me armë territorin e pushtuar nga Izraeli pas rënies së Bashar al Assad. Katz tha se trupat izraelite do të vazhdojnë të qëndrojnë në atë që Tel Avivi e konsideron si zonë sigurie. Damasku reagoi pas kësaj vizite duke e konsideruar ndalesën e Netanjahut në territorin e pushtuar si shkelje flagrante të sovranitetit të Sirisë. Izraeli ka ndërmarrë me qindra sulme në Siri që nga rënia e Asadit dhe ka bërë inkursione të përsëritura në territorin sirian me arsyetimin e parandalimit të sulmeve të mundshme të grupeve terroriste të mbështetura nga Irani.