Në fund të shtatorit të vitit 2023, 10 ditë para se Hamas të sulmonte jugun e Izraelit duke lënë me qindra të vrarë dhe marrë peng dhjetëra të tjerë, presidenti i Emirateve të Bashkuara Arabe, Mohamed bin Zayed telefonoi Netanyahun për t’i dhënë një paralajmërim të ashpër. Gazeta izraelit Haaretz shkruan se në një bisedë 45-minutëshe, bin Zayed e paralajmëroi Netanyahun se Hamasi po planifikonte një operacion të madh kundër Izraelit. Gjatë telefonatës ishte i pranishëm edhe një këshilltar i ngushtë i bin Zayed, një palestinez i cili kishte emigruar vite më parë nga Gaza në Abu Dhabi dhe mbante lidhje të forta në Rrip. Sipas këshilltarit, sundimtari i Emirateve i bëri të qartë Netanyahut nevojën për t'u përgatitur për kërcënimin. Netanyahu tha se, sipas vlerësimit të tij, Hamasi kishte ndërmend të vepronte në zonën e Bregut Perëndimor dhe e siguroi bin Zayedin se Izraeli ishte i përgatitur për çdo skenar. Raportimi i Haaretz konfirmohet tërthorazi edhe nga Presidenti izraelit, Isaac Herzog, që thotë se presidenti i emirateve, Bin Zayed kishte kontaktuar edhe atë për të shprehur shqetësimin e ashpërsimit të konfliktit dhe sulmit që po planifikonte Hamas.