Tre dekada pas vrasjes së të atit, ish-kryeministrit Yitzhak Rabin, djali i tij, Yuval Rabin ka folur për herë të parë publikisht. Në një intervistë ekskluzive për Kanal 12 të Izraelit, ai e kritikoi fort kryeministrin Benjamin Netanyahu, duke e akuzuar se ka mbrojtur Hamasin dhe është përqëndruar vetëm te mbijetesa e tij politike. Yuval jeton prej një dekade në një fshat të Evropës Qendrore së bashku me bashkëshorten e tij, larg mediave dhe jetës publike. Ai tha se i ati, i vrarë më 4 nëntor 1995 nga një ekstremist i djathtë, do të ishte “i tronditur” nga situata aktuale në Izrael. Ai kujtoi urrejtjen e thellë ndaj të atit, të nxitur edhe nga figura të së djathtës, përfshirë Netanyahun dhe ministrin aktual të Sigurisë Kombëtare, Itamar Ben Gvir. “Ky njeri është i ftohtë, nuk ndjen, nuk dëgjon. Mendon vetëm për përfitimin e tij politik,” tha Yuval për Netanyahun. Djali i Rabinit përfundon duke rikujtuar se i ati gjithmonë vendosi interesin e shtetit mbi interesin personal, një qasje që sipas tij mungon në udhëheqjen aktuale.