Evropa është në një masë të madhe e varur nga gazi rus dhe pushtimi i Ukrainës, nga ana e Moskës, e ka shtuar frikën për një krizë të paimagjinuar më parë. Cmimet e naftës dhe gazit në kontinent, kanë arritur tashmë rekorde që nuk shiheshin prej kohësh dhe evropa mendon tani se ku duhet t’i hedhë sytë për të gjetur burime zëvendësuese. Por cilat vende mund të konsiderohen furnizues shtesë. E para është SHBA. AJo është një nga prodhuesit më të mëdhenj të gazit natyror dhe ndër eksportueset më të mëdha të gazit të lëngshëm në botë dhe BE thuhet se ëhstë tashmë në negociata për importin e gazit shtesë që andej. SHBA ka rritur eksportin e gazit të lëngshëm në evropë, javët e fundit, por ka në këtë mes pengesa të llojit logjistik. Norvegjia dhe Holanda, janë po ashtu prodhuese të mëdha të gazit me të parën që ofron një të tretën kërkesave të gazit për gjermaninë. Por, rritja e sasisë së gazit nga ky drejtim, nuk është e mundur për shkak se kapacitetet janë të kufizuara.