Që nga viti 1999, kur edhe hyri në Kremlin si lider i rusisë, presidenti rus, Vladimir Putin, ka patur përballë armiq por edhe figura misterioze që kanë kërcënuar jetën e tij. Sulmi me dron, pak javë më parë, mbi kremlin, u paraqit nga ky i fundit si një atentat ndaj jetës së Putinit. I cili sidoqoftë nuk ndodhej aty. Ukraina mohoi cdo përgjegjësi ndërsa rusia shkoi aq larg sa drejtoi gishtin edhe nga SHBA. Tani, edhe pse kanë kaluar ditë të tëra nuk është mësuar asgjë më shumë mbi atë që ndodhi. Por, ajo që mediat e huaja nënvizojnë, është fakti se Putin, mbi të cilin rëndon edhe një mandat arresti i gjykatës penale ndërkombëtare, është përballur me disa tentative për vrasje, që kur ai mori pushtetin. Britanikja Express ka bërë një përmbledhje të momenteve që mund të kishin ndryshuar historinë. Tentativa e parë për vrasjen e putinit, daton në vitin 2002, kur ai bëri një vizitë në azerbajxhan. Një grup irakianësh atje, po komplotonin për të vrarë putinin. Dy persona u arrestuan pasi plani për të përdorur një mjet shpërthyes për të vrarë presidentin rus u zbulua. Identiteti i tyre nuk u zbulua kurrë ndonëse kishte dyshime për lidhjen me grupe në afganistan apo ceceni. Përpjekja e dytë erdhi vetëm një muaj më vonë. Në nëntor 2002, një person iu afrua rojave të sigurisë në kremlin. Ai iu tha: "Unë quhem Ivan Zaitsev. Unë jam presidenti i Rusisë. Tani më çoni te Vladimir Putin!" Ai u dërgua në spital për gjendjen e tij mendore dhe më vonë doli. Por, njeriu misterioz thuhet se ka pasur gisht në një atentat që u zbulua më pas. Putini po udhëtonte në një autostradë të Moskës. Përgjatë rrugës, u gjetën 40 kg eksploziv. Ekipi i shpërthimit mbërriti dhe zbërtheu pajisjet. Putin ia doli edhe këtë herë.