Në një njoftim të rrallë, ushtria amerikane tha se një nëndetëse bërthamore e armatosur me raketa precize ka mbërritur në lindjen e mesme, në një mesazh të qartë që i drejtohet kundërshtarëve rajonalë ndërsa administrata Biden po përpiqet të evitojë një konflikt më të gjerë në mesin e luftës mes Izraelit dhe Hamasit. Komanda qendrore amerikane tha në mediat sociale të dielën se një nëndetëse e klasit Ohajo po hynte në zonën e përgjegjësisë së saj. Një foto e postuar bashkë me njoftimin, duket se tregonte nëndetësen në kanalin e suezit, në veri lindje të Kajros. Postimi në mediat sociale nuk tregonte emrin e nëndetëses, por marina amerikane ka katër nëndetëse të klasit Ohajo, që janë ish ndëndetëse me raketa balistike të konvertuara për të lëshuare raketa kruiz tomahok në vend të raketave të tjera balistike. Cdo nëndetëse e klasit Ohajo mund të mbajë 154 raketa kruiz tomahok, 50 për qind më shumë se sa destrojerët dhe thuajse katër herë më shumë se sa nëndetëset më të reja amerikane të sulmit. Cdo raketë tomahok mund të mbajë një ngarkesë eksplozivi prej 1 mijë kilogramësh.