Zjarret po shkrumbojnë Spanjën dhe flakët kanë përfshirë edhe destinacionet e pushimeve në Francë e Greqi ndërsa një valë nxehtësie prej 47 gradësh celcius po përvëlon Evropën. Pamjet tronditëse tregojnë ekipet e zjarrfikësve që luftojnë me flakët në rajonin e Guadalajarës, ku deri më tani janë djegur 26,000 hektarë tokë. Spanja është përfshirë nga një valë zjarresh këtë verë, përfshirë një nga më vdekjeprurësit në kujtesë, ku 13 persona humbën jetën në provincën jugore të Almerias. Tani, zjarrfikësit po përballen me flakët pranë fshatit La Mierla, rreth 90 km larg Madridit, për të vënë nën kontroll atë që është tashmë zjarri më i madh në vend për këtë vit. Më shumë se 1,200 banorë janë zhvendosur në 28 komuna, me njerëzit në zonat e prekura që marrin njoftime në telefonat e tyre celularë.