Ndërsa Franca ka hyrë në ditën e parë të izolimit kombëtar, ardhja e borës në pjesët qëndrore dhe veriore të vendit ishte dicka e pëlqyer për njerëzit në qytetet e pamësuara me një mot të tillë. Parizienët ndërtuan njerëz dëbore dhe u angazhuan në beteja me topa bore para se të mbylleshin në shtëpi nga ora 18.00 deri në 6 të mëngjesit. Të gjitha aktivitetet duhet të ndalen në këtë pjesë kohore dhe ka gjoba për ata që shkelin rregullin. 32 departamente në Francë, përfshirë të gjithë rajonin e Ile de France, kanë sjellë rritje të nivelit të alarmit duke e cuar atë në portokalli. Në lillë, banorët iu gëzuan borës që mbuloi qytetin duke u argëtuar në borë dhe duke bërë foto në të. Parisi, nuk ishte kryeqyteti i vetëm që u zbardh nga bora. Brukseli po ashtu u shndërrua në një park argëtimi dimëror me rreth 10 centimetra borë që ranë në të gjithë belgjikën po ashtu. Në gjermaninë jugore, sasia e madhe e borës së rënë e ka vështirësuar punën e skuadrave të angazhuara me pastrimin e rrugëve. Në Obermaiselstein, në shtetin e bavarisë, ranë 1.5 metra borë në dy ditët e shkuara, dhe akoma më shumë reshje priten, vecanërisht në pjesën perëndimore të gjermanisë. Reshje të dendura bore kanë shkaktuar kaos në gjermaninë jugore ditët e fundit. Policia në gjermaninë jugperëndimore tha se një 72 vjecare kishte humbur jetën pasi një pemë e ngarkuar nga bora kishte rënë mbi të ndërsa po shëtiste qentë, afër kufirit me zvicrën. Panoramë e ngjashme edhe në zvicër, austri dhe itali ndërkohë që bora ka mbuluar edhe shumë pjesë të britanisë së madhe.