Nga Asambleja e Partisë Socialiste në Gjirokastër, kryeministri Edi Rama u ndal te procesi i integrimit të Shqipërisë në Bashkimin Europian. Rama tha se procesi është më afër se kurrë, por kilometrat e fundit janë më të vështirat. Kreu i ekzekutivit tha se mbyllja e negociatave është sfiduese. Negociatat, energjinë dhe forcën e Shqipërisë që përfaqësohet në atë tryezë e marrin nga jeta dhe realiteti i punëve të përditshme të vendit tonë, në të gjitha drejtimet dhe nga të gjithë, jo vetëm nga qeveria, por nga të gjithë. Dhe natyrisht që boshti i gjithë këtij procesi është Partia Socialiste e Shqipërisë, sepse me Partinë Socialiste të Shqipërisë lidhet, qoftë pushteti legjislativ dhe ecuria e tij, qoftë pushteti ekzekutiv dhe ecuria e tij, dhe me ecurinë e këtyre dy pushteteve lidhet një pjesë e mirë e suksesit të negociatave