Një ditë pas zjarrit të rënë në fushën e mbetjeve në Vlorë, policia ka nisur hetimet ndaj drejtorit të ndërmarrjes së pastrimit si dhe katër punonjësve të Bashkisë. Francesko Tozaj, Alpin Skëndaj, Luan Dalipaj, Endrit Delaj dhe Daniel Islamaj dyshohet se kanë neglizhuar detyrën duke mos marrë masa në kohë për shuarjen e zjarrit Kjo gjë solli ndotje të mjedisit. Temperaturat e larta ndihmuan përhapjen e flakëve duke bërë që e gjithë zona të pushtohej nga era e keqe dhe tymi I zi. Vetë kryebashkiaku Dredha njoftoi kallëzim për të gjitha hallkat për situatën e shkaktuar gjatë nisijes së sezonit veror. Ai e quajti një zjarr të qëllimshmë që synon të dëmtojë imazhin e qytetit. Zjarret në fushën e mbetejve në Vlorë kanë qenë të herëpashershëm duke shkaktuar ndotje të mëdha. Autoritetet edhe pse kanë ndërhyrë e kanë pasur të vështirë neutralizimin për shkak të materialeve të plastikës e gomës.