Arkeologët në itali kanë zbuluar eshtrat e nëntë neandertalëve që mund të ishin shqyer nga Hijenat, në një guvë prehistorike në jug lindje të Romës. Kockat e fosilizuara, që përfshijnë edhe fragmente kafkash dhe eshtra të thyer gjymtyrësh, u gjetën në shpellën Guattari, në qytetin bregdetar san felice circeo. Neandertalët, një kushëri i afërt, i lashtë, i homos sapiens, besohet se janë zhdukur rreth 40 mijë vite më parë. Sidoqoftë, gjurmë të vogla të ADN-së së tyre vazhdojnë të ekzistojnë ende tek njerëzit modernë. Tetë nga skeletet e gjetura datojnë nga 50-68 mijë vite më parë, ndërsa më i hershmi mund të jetë 90 ose 100 mijë vjecar – tha ministria italiane e kulturës. Arkeologët që zbuluan eshtrat në shpellën Guattari, rreth 90 km në jug lindje të romës, thonë se ato i përkisnin shtatë meshkujve të rritur, një gruaje dhe një fëmije. Ministri italian i kulturës, Dario Franceschini, e cilësoi zbulimin si të jashtëzakonshëm dhe tha se e gjithë bota do të flasë për të. “Këto zbulime do të na ndihmojnë të pasurojmë studimet tona për neandertalët”, tha ai. Një numër i vogël kockash u gjetën rastësisht në shpellën Guattari në 1939, duke e bërë atë një nga vendet më të rëndësishme në botë për historinë e njeriut të neandertalit. Shpella ishte mbyllur nga një tërmet në lashtësi, ose një rrëshqitje dheu, duke mundësuar ruajtjen e gjithckaje që ajo mbante.