Edhe pse nuk ka një shifër zyrtare, thuhet se rreth 60 shqiptarë të cilët jetojnë dhe punojnë në Ukrainë prej kohësh, mund të jenë bllokuar në vend mes sulmeve tokësore dhe ajore nga Rusia. Sipas raporteve, disa prej tyre, janë duke luftuar kundër Rusisë. Në këtë ditë të 4 të luftës, konfirmohet se 9 shqiptarë janë në frontin e luftës kundër Rusisë. Lajmi u konfirmua nga një ushtar i cili prej kohësh jeton në SHBA, por është pjesë e ushtrisë ukrainase. Ky i fundit foli për një media, ku rrefeu momentet e tmerrit, në terren. Ai rrëfen se bashkë me 9 shqiptarë të tjerë janë në front të luftës 13 km në veri të Kievit, ndërkohë që shpreh shqetësimet e tij nga terreni. Shqiptari i cili nuk ka preferuar ta bëjë emrin publik, është shprehur se forcat ruse po avancojnë drejt Kievit, ndërsa nuk ka dhënë një numër fiks të forcave që po afrohen, por ka theksuar se ata janë shumë. Sa i përket gjendjes shëndetësore të shqiptarëve të cilët ndodhen në frontin e luftës, ai shprehet se fatmirëisht ata janë mirë. Kjo është dita e 4 e luftës agressive e të ashpër mes dy vendeve, ku janë regjistruar 4300 rusë të vdekur si dhe mbi 200 ukrainas.