Polakët janë ndër popujt më mishngrënës në botë, ku gjysma e tyre e kanë në tryezë mishin ose nënproduktet e tij të paktën në një vakt të ditës. Kjo varësi e madhe ndaj mishit është bërë subjekt në programet elektorale të partive politike dhe përplasjeve të forta mes qeverisë së drejtuar nga partia Ligj dhe Drejtësi dhe opozitës së Nismës Civile të drejtuar nga Donald Tusk, ish-president i Keshillit Europian. Vendi shkon drejt zgjedhjeve parlamentare në fund të këtij viti dhe partitë kanë nisur të shpalosin programet e tyre qeverisëse. Mes pikave të programit të partisë së Donald Tusk është njëra që kërkon të dekurajojë ngrënien e mishit. Në të njëjtën pikë citohet studime që sugjerojnë që në vend të mishit të kuq, që konsiderohet i dëmshëm për shëndetin të konsumohen krimba e insekte të tjera, që janë më të pasur me proteina. Kjo pikë është sulmuar nga kundërshtarët e Donald Tusk, që kanë kontrollin e Qeverisë. Ata thanë se nëse do të votonin Tusk do të hanin krimba në vend të mishit, ndërsa Tusk u kundërpërgjigj duke mohuar akuzat dhe se programi i partisë së tij opozitare kërkon vetëm që të dekurajojë konsumin e këtij produkti edhe si zgjidhje për një jetë më të shëndetshme. Pamjet: AFP