Rusia testoi 10 raketa kruiz hipersonike Zircon nga një fregatë dhe dy të tjera nga një nëndetëse – tha agjencia e lajmeve Interfax të premten duke cituar zyrtarë nga flota veriore. Presidenti rus, Vladimir Putin ka lëvduar raketën e re, pjesë të një gjenerate sistemesh të parivalizuara armësh, duke e quajtur atë të pathyeshme. Ai e ka konsideruar një test të kryer javën e kaluar, një event të madh në jetën e vendit duke shtuar se ai ishte një hap i rëndësishëm drejt rritjes së kapaciteteve mbrojtëse të rusisë. Disa ekspertë perëndimorë kanë vënë në pikëpyetje faktin se sa e avancuar është arma ruse e gjeneratës së re, pavarësisht se pranojnë se kombinimi i shpejtësisë, manovrimit dhe lartësisë në të cilën ajo mund të ngjitet, e bën raketën të vështirë që të gjurmohet dhe neutralizohet. Putin foli për një seri armësh të reja hipersonike në 2018-ën, në një nga fjalimet më luftarake të tij në vite, duke thënë se ato mund të godisnin thuajse cdo pikë në botë dhe të anashkalonin mburojën raketore të shteteve të bashkuara të amerikës.