Toka në Turqi dhe veri të Sirisë pësoi çarje dhe u zhvendos në drejtime të ndryshme, pas një tërmeti të fortë me magnitudë 7.8 dhe pasgoditjet që ndodhën më 6 shkurt të këtij viti. Dy çarje të qarta tani shtrihen për qindra kilometra në vendet ku toka ka lëvizur deri në shtatë metra në drejtime të kundërta. Sipas Reuters, tërmetet hapën dy çarje të mëdha në sipërfaqen e Tokës, më e gjata prej të cilave shtrihet rreth 300 kilometra përmes jugut të Turqisë.