Shqipëri Presidentët dhe kryeministrat e 27 vendeve të BE-së dhe nga ana tjetër protestën, që ka deklaruar se do zhvillojë opozita që drejton Sali Berisha. Prania e 27 figurave më të rëndësishme të Bashkimit Evropian dhe 6 nga vendet e Ballkanit Perëndimor, kërkon një nivel sigurie tepër të lartë, në mënyrë që të shmanget mundësia e çdo incidenti të mundshëm. Në Aeroportin e Rinasit do të fillojë dhe blindimi nga forcat e Policisë. Ashtu si në raste të tjera, Policia Rrugore do të jetë prezente për gjatë gjithë aksit rrugor Rinas, Kashar, autostradë, e deri në destinacionin final të liderëve. Përveç forcave të Policisë së Rendit dhe asaj Rrugore, pritet që të angazhohen gjithashtu forcat shqiponja, operacionalet, FNSH, snajperat, Garda e Republikës, emergjencat civile dhe sigurisht agjentët e fshehtë. Në fakt forcat e sigurisë shqiptare do të asistohen edhe nga forcat e sigurisë që do të sjellin me vete disa prej liderëve, të cilët në varësi të protokolleve të shteveve të caktuara, janë të detyruar të lëvizin së bashku me forcat që I ruajnë.