Shifrat e të infektuarve shënuan këtë të martë një tjetër rekord, me 301 raste të reja me koronavirus, nga 1407 testime. Ministria e Shëndetësisë bën me dije gjithashtu se në 24 orët e fundit kanë humbur jetën 4 qytetarë. Me gjithë përpjekjet e mjekëve, fatkeqësisht e kanë humbur betejën me COVID19, një 56 vjeçare nga Fieri, një 60 vjeçare nga Lezha, një 69 vjeçare nga Tirana dhe një 73 vjeçar nga Korça. Sipas raportimit te ministrise se shendetesie mesohet se aktualisht, të shtruar në spitalet Covid janë 255 pacientë, 22 në terapi intensive, nga të cilët 5 pacientë janë të intubuar. Nderkohe qe vetem ne 24 oret e fundit jane shëruar 58 qytetarë. Ministria e Shëndetësisë dhe Mbrojtjes Sociale i drejtohet me një thirrje secilit prej jush: Tregoni kujdes me respektimin e rregullave sepse shkujdesja e vërejtur favorizon përhapjen e virusit, i cili po prek çdo moshë, pa dallim. Përdoreni maskën kudo në ambientet jashtë shtëpisë, ruani distancën dhe kujdesuni për higjienën.