Detaje të reja janë publikuar nga hetimet e FBI, për atentatin ebërë ndaj ish-Presidentit Donald Trump nga Thomas Matthew Crooks. Sipas FBI, autori I atentatit që u eleminua nga forcat e sigurisë, kishte vepruar I vetëm, por në shënjestër të tij nuk duket se ishte vetëm Donald Trump. Hetuesit kanë arritur të kryejnë një hetim të thelluar edhe në telefonin e agresorit ku rezulton se Thomas Matthew Crooks ishte një person i vetmuar, inteligjent, modest, i cili shprehte një interes për armët dhe ishte larg të qenit i interesuar për politikën. Përveç ish-presidentit, Crooks kishte bërë kërkime të thelluar për Presidentin Joe Biden dhe kishte foto në telefonin e tij të figurave të tjera të shquara nga të dyja palët. Ai lokalizoi vendndodhjen e tubimit të Trump, si dhe Konventën e ardhshme Kombëtare Demokratike, thonë burime për CNN, dhe zbuloi se Trump kishte planifikuar të shfaqej vetëm një orë me makinë larg shtëpisë së tij në periferi të Pitsburgut. Për këtë arsye ngrihen dyshime të qenësishme se në shënjestër të tij, pas ish-Presidentit do të ishte edhe presidenti në detyrë Joe Biden, nëse ai do të mund të shpëtonte pa u lagur nga sulmi I parë. Pamjet: AFP