NATO-ja e ka nisur zyrtarisht misionin Roja e Arktikut. Në fokus është përmirësimi i pozicionimit ushtarak ndërsa lëvizja vjen pas tensioneve të fundit mes aleatëve të NATO-s, Danimarkës dhe Shteteve të Bashkuara, lidhur me të ardhmen politike të Groenlandës. Pas nisjes së misionit komandanti suprem i forcave aleate të NATO-s për Evropë, Alexus Grynkeëich, tha se “Roja a Arktikut vë në pah përkushtimin e aleancës për të mbrojtur anëtarët e saj dhe për të ruajtur stabilitetin në një nga zonat që në aspektin strategjik janë më të rëndësishme dhe më sfiduese nga aspekti mjedisor në botë”. “Misioni do të shfrytëzojë fuqinë e NATO-s për të mbrojtur territorin dhe për të siguruar që Arktiku dhe Veriu i Lartë të mbeten të sigurt”, tha ai. Ende nuk dihen detaje se sa shtete anëtare të NATO-s janë përfshirë në këtë mision si dhe trupat e angazhuar. Deri më tani i vetmi konfirmim është se misioni është shumëdimensional që përfshin: ajrin, detin dhe tokën.