Me vdekjen e Papa Françeskut, Kisha Katolike do të fillojë ritualet me rrënjët e thella në traditë, që shënojnë fundin e një papati dhe çojnë në fillimin e tjetrit. Ato udhëhiqen nga një kushtetutë e njohur si Universi Dominiçi Grexhis të miratuar nga Papa Gjon Pali II në 1996 dhe rishikuar nga Papa Benedikti XVI në 2007 dhe 2013. Një kardinal i njohur si çamberlan, aktualisht kardinali irlandez-amerikan Kevin Farrell, do drejtojë punët e Kishës Katolike Romake prej gati 1.4 miliardë anëtarësh gjatë periudhës së njohur si "sede vacante" (karrige bosh). Camberlani sigurohet që unaza e papës dhe vula e tij e plumbit të thyhen për të mos u përdorur nga askush tjetër. Nuk bëhet autopsi. Çamberlani mbyll dhe vulos rezidencën e Papës. Në të kaluarën, kjo ishte në apartamente në Pallatin Apostolik, por Françesku jetonte në një suitë të vogël në një bujtinë të Vatikanit të njohur si Santa Marta. Camberlani dhe kardinalët e tjerë nuk mund të marrin ndërkohë vendime të mëdha që prekin Kishën ose të ndryshojnë mësimet e saj. Krerët e shumicës së departamenteve të Vatikanit japin dorëheqjen derisa Papa i ri t'i konfirmojë ose zëvendësojë. Ritet e zisë zgjasin nëntë ditë, me datën e varrimit të vendosur nga kardinalët. Universi Dominici Grexhis thotë se ato duhet të fillojnë midis ditës së katërt dhe të gjashtë pas vdekjes së tij. Papa Françesku, i cili shmangu shumë nga madhështia dhe privilegji i drejtimit të Kishës Katolike globale, modifikoi dhe thjeshtoi ritet e funeralit papal në vitin 2024. Mesha e varrimit pritet të mbahet në sheshin e Shën Pjetrit, por ndryshe nga shumë paraardhës, Françesku kërkoi që të varrosej në Bazilikën Santa Maria Maxhore të Romës për të qenë pranë ikonës së tij të preferuar të Madonës. Françesku kërkoi gjithashtu që të varrosej në një arkivol të thjeshtë prej druri, ndryshe nga paraardhësit që u varrosën në arkivole prej selvie, plumbi dhe lisi. Ai kërkoi që trupi i tij të mos ekspozohej mbi një platformë të ngritur, ose katafalkë, në Bazilikën e Shën Pjetrit për ta parë vizitorët në Romë, si papët e mëparshëm.