Një tërmet me magnitudë 5.3 goditi Tokion dhe zonat përreth të premten, tha Agjencia Meteorologjike Japoneze, një ditë pasi qeveria lëshoi një paralajmërim, të parin në histori, për rrezikun e një tërmeti të madh në brigjet e vendit në Paqësor. Qeveria lëshoi një paralajmërim urgjent për një lëkundje të fortë për kryeqytetin dhe prefekturën Kanagaëa, Saitama, Yamanashi dhe Shizuoka, pa alarm për cunami. Tërmeti tronditi ndërtesat në Tokio pak pas paralajmërimit. Metroja e Tokios ndali shkurtimisht të paktën një nga linjat e saj të trenave, por shërbimi rifilloi shpejt. Shkencëtarët japonezë thonë se vendi duhet të përgatitet për një "megatërmet" të mundshëm, që një ditë mund të vrasë qindra mijëra njerëz, edhe pse ata theksojnë se paralajmërimi nuk do të thotë se një dridhje kolosale është e afërt.