Policia ka vënë në pranga 2 persona në Durrës, pasi u konstatuan duke ndërtuar objekte pa leje në zonën bregdetare të Gjirit të Lalzit, si dhe ka proceduar penalisht 2 shtetas të tjerë, të cilët po kryenin punimet. Nga burimet policore bëhet me dije se u bë i mundur arrestimi në flagrancë I një 29 vjeçari, banues në Shijak dhe një tjetër 57 vjecar, banues në Shkafanë të Durrësit, pasi u konstatuan duke ndërtuar një objekt me bazament betoni, metali dhe druri pa lejen e organeve kompetente. Gjithashtu, policia procedoi penalisht 2 shtetas të tjerë, të cilët punonin në objektet pa leje ndërtimi, për veprën penale “Dhënie ndihmë për ndërtim të paligjshëm”. Rastet e konstatuara në zonën e Gjirit të Lalëzit vijnë pas operacionit ‘Bregdeti ynë’ të ndërmarrë më shumë se një muaj më parë përgjatë vijës bregdetare nqë të gjithë terrotirin e vendit. Gjatë këtij operacioni u shembën me dhjetëra ndërtime pa leje.