Në kohën kur Nigeria është në mesin e betejës me Covid 19, 7 rajone të vendit janë pllakosur nga një epidemi e re. Qendra nigeriane për kontrollin e sëmundjeve konfirmoi shpërthimin e gripit të shpendëve, cka e rëndon akoma edhe më shumë situatën epidemiologjike të vendit. 83 persona dyshohen deri tani si të infektuar; ata janë shumica fermerë dhe tregtarë. Shkurtin e 2006-tes,Nigeria u bë vendi I parë afrikan që regjistronte shfaqjen e një epidemie vdekjeprurëse të gripit të shpendëve, dhe I pari që raportoi një rast të kësaj sëmundje tek njeriu në Afrikën Perëndimore. Për disa kohë, virusi u zhduk, por u rishfaq më pas në 2015-tën. 6 vatra të mëdha të tij u konfirmuan asokohe. Së fundi, vendi kishte dy vjet pa asnjë shpërthim të kësaj sëmundjeje, vetëm që ajo të rikthehej në momentin më të keq, kur Nigeria ashtu si mbarë bota po përballet me makthin e Covid 19.