Dy sinjalizime për dhunë në familje në Lezhë dhe Kurbin çoi në sekuestrimin e kallëpeve të tritolit, dy armëve të zjarrit dhe një sasie të konsiderueshme municioni luftarak. Policia thotë se në Lezhë arrestoi një person pasi kishte dhunuar bashkëshorten e vëllait të tij, teksa në Kurbin një tjetër që dhunoi babanë. Në Lezhë u arrestua në flagrancë shtetasi M. P., 33 vjeç, banues në Lezhë, pasi dyshohet se ka dhunuar fizikisht dhe psikologjikisht bashkëshorten e vëllait. Gjatë kontrollit në banesën e tij, u gjetën 5 kallëpë tritoli, 1 armë zjarri pushkë dhe municion luftarak. Në Kurbin u arrestua në flagrancë shtetasi G. K., 48 vjeç, banues në Mamurras, pasi dyshohet se ka ushtruar dhunë psikologjike ndaj babait. Gjatë kontrollit në banesën e tij, u gjetën të fshehura 1 armë zjarri automatik, me fishek në fole dhe municion luftarak. Veç përcjelles së materialeve në Prokurorinë e Lezhës, armët e sekuestruari pritet t’i nënshtrohet ekspertizës shkencore për të zbuluar nëse janë përdorur në ndonjë ngjarje të mundshme kriminale.