Një familje artizanësh në Kukës ishte ndalesa e radhës e kryetarit të Partisë Demokratike Lulzim Basha, ku ai u njoh nga afër me vështirësitë dhe pasojat që ka shkaktuar tek ata pandemia e covid 19. Artizanja Hate Ora gjatë bisedës me bashën tha se ka pasur 15 të punësuar, ndërsa tani janë vetem 4-5 pjesëtarë të familjes të angazhuar në prodhimin e produkteve artizanale. Hate Ora: Puna sidomos sivjet ka rënë më shumë, ka ra puna. Kur ka pak punë punoj vetë se e kam dhunti vetë, logot e ndryshme që i bëjnë dhurata me dedikim njerëzve. I punoj vetë, janë vizatime aty që do ti shohim. Lulzim Basha: Po ato zonja që kishe në punë përpara, tani që si mban dot në punë, ça bëjnë? Hate Ora: Ato janë martuar, kanë dal jashtë për momentin, nuk janë disa këtu por gjej të tjera. Kam trajnu nxënëse disa herë. Janë martuar, kanë ikur larg jashtë shtetit dhe kam nevojë të trajnoj vajza të tjera. Lulzim Basha: Një vit! Pra, në qoftë se të largohet dikush, nuk e zëvendëson dot nesër. Duhet prapë të marrë një vit trajnim, stazh që të jetë në gjendje të bëjë punën. Hate Ora: Edhe s’kam kapacitet që t’i trajnoj ato pa më ndihmuar dikush.