Shërbimi për Çështjet e Brendshme dhe Ankesat ka vënë në pranga një zyrtar të lartë të njësisë ‘Fast Albania’, në drejtorinë e Përgjithshme të Policisë së Shtetit. Mësohet se zyrtari, me detyrë shef i Zyrës së Kërkimit në “Fast Albania”, është arrestuar për shkeljet e rënda “Shpërdorim Detyre”, “Kallëzim i rremë” dhe “Mashtrim”. Vendimi i Gjykatës së Rrethit Elbasan për masën e sigurimit ndaj 46-vjeçarit u mor në kuadër të thellimit të hetimeve të kryera nga Drejtoria Rajonale e SHÇBA Elbasan nën drejtimin e Prokurorisë së Rrethit Elbasan. Më herët Drejtoria Rajonale e SHÇBA Elbasan vuri në pranga Sokol Fanën, pjesë po ashtu e pjesë e strukturës operacionale të “Fast Albania”, i cili i kërkoi 7 mijë euro Klodian Hajdërllit, në mënyrë që të mos e arrestonte për llogari të drejtësisë italiane. Veprimet dhe aktet proceduriale të përpiluara u vunë në dispozicion të Prokurorisë Elbasan. Hetimet vazhdojnë.