Presidenti Ilir Meta, dekretoi këtë të hënë, Gent Sejkon për t’u rizgjedhur guvernator i Bankës së Shqipërisë, pas përfundimit të mandatit të tij në datën 5 shkurt. Sipas procedurës ligjore, pas dekretimit nga Ilir Meta, emri i Sejkos do të shkojë për votim në Kuvend, bauzar në nenin 161 të Kushtetutës, i cili parashikon se guvernatori i Bankës së Shqipërisë zgjidhet nga Kuvendi me propozim të Presidentit të Republikës për 7 vjet, me të drejtë rizgjedhjeje. Presidenti Meta ka argumentuar se vlerëson politikën e Bankës së Shqipërisë, që ka qenë akomoduese për të ofruar mbështetjen e nevojshme për rimëkëmbjen ekonomike si pasojë e tërmetit dhe pandemisë, si dhe për të lehtësuar konsolidimin fiskal. Gjithashtu ka shtuar se është për t’u nënvizuar roli i Bankës së Shqipërisë për të siguruar, që sektori financiar të mbetet i qëndrueshëm dhe likuid.