Roveri Perseverance u ul me sukses në tokën marsiane në orën 20.55 minuta, pas thuajse shtatë muajsh dhe 470 milionë kilometrash të përshkruara nga toka në planetin e kuq. Kjo ishte përpjekja më ambicioze e nasa-s për shenja jete në mars që nga misionet vikinge në vitet 1970-të. Roveri me përmasat e një makine, përmban një arsenal instrumentesh që synojnë të zbulojnë gjurmë jete të fosilizuara nëse ekzistojnë. Ai preku tokë në kraterin Jezero, me diametër 45 km, në afërsi të ekuatorit marsian. Miliarda vite më parë, kur marsi ishte më i lagësht, Jezero ka patur një liqen që mund të ketë mbështetur edhe organizmat mikrobiologjikë. Perseverance do të endet dhe do të gërmojë në tokën marsiane për të kërkuar gjurmë të aktiviteteve mikrobiologjike. Kampionët premtues do të paketohen për tu kthyer në tokë me misione të tjera. Por, para se të nisë misioni në sipërfaqe duhej që sonda të ulej në mars, dhe kjo, ishte sfida më e madhe. Thuajse 50 për qind e mjeteve të dërguara në sipërfaqen e marsit kanë dështuar ndaj inxhinierët e nasa-s, e kanë mbajtur frymën pezull në atë që me të drejtë e quajnë shtatë minutat e tmerrit. Dhe në fund ia kanë dalë mbanë. Ia dolëm. Jemi në mars! Thirrën ata pas uljes së suksesshme. Edhe emiratet e bashkuara dhe kina, kanë nisur misione në mars, vitin e kaluar, duke përfituar nga avantazhi i afërsisë më të madhe të planetit me tokën... Pamjet: AFP