Një 22-vjeçar është arrestuar në Shkodër, pasi është kapur teksa lëvizte me pistoletë me vete. I riu ishte shpallur në kërkim për plagosjen me armë zjarri të një 24-vjeçari në muajin dhjetor të një viti më parë. Operacioni policor i koduar “Kontigjenti” u finalizua si rezultat i intensifikimit të patrullimeve në të gjithë territorin e qarkut, dhe i punës së inteligjencës policore, me qëllim konstatimin e rasteve me precedent kriminal. Ensi Shtubina u kap në lagjen “Rus”, ndërsa arma e zjarriit së bashku me municionin iu gjet pas kontrollit fizik që iu bë nga policia. Pas verifikimeve, është zbuluar se Shtubina ishte me masë sigurie “Arrest në burg”, pasi akuzohet se më datë 23 dhejtor 2024, gjatë një konflikti të çastit, në lagjen “Skënderbeg”, ka plagosur me armë zjarri një person. Prokuroria e Shkodrës po merret me rastin në fjalë për të bërë të mundur kryerjen e procedurave dhe hetimeve të tjera.