Një numër i madh njerëzish kanë protestuar në Valencia kundër mënyrës së reagimit të autoriteteve ndaj përmbytjeve vdekjeprurëse të tetorit, duke kërkuar dorëheqjen e kreut rajonal Carlos Mazón. Mediat spanjolle, duke përfshirë agjencinë e lajmeve Efe, cituan një organ qeveritar të thoshte se 130,000 njerëz dolën në rrugë të shtunën në mbrëmjue, me protestuesit që brohorisnin: "ne jemi të lyer me baltë, ju jeni njollosur me gjak". Më shumë se 200 njerëz humbën jetën në përmbytjet, që u shkaktuan nga shiu i rrëmbyeshëm që goditi Valencian dhe provincat fqinje në tetor. Tetëdhjetë persona janë ende të zhdukur. Protestuesit kanë akuzuar autoritetet lokale për lëshimin e paralajmërimeve për përmbytjet shumë vonë. Protestuesit e zemëruar u përleshën me policinë në përfundim të marshimit të tyre. Imazhet e publikuara tregonin Bashkinë e Valencias të lyer me baltë, ndërsa agjencia e lajmeve Reuters raportoi se protestuesit hodhën mbi ndërtesë karrige dhe objekte të tjera.