Një miqësi historike që i ka rrënjët në periudhën e holokaustit dhe që tashmë po merr trajtat e partneritetit të ngushtë ekonomik. Kështu e portretizuan dy homologët Rama dhe Netanyahu marrëdhënien politike mes Shqipërisë dhe Izraelit, pas takimit kokë më kokë që patën në Jeruzalem, ku kryeministri shqiptar u prit me ceremoni shtetërore. Dublim Rama: “Mirëpresim rritjen e tregtisë dhe të investimeve mbështetur në ekspertizën teknologjike të Izraelit dhe sidomos marrëveshjet që po arrijmë ditë pas dite për të ndërtuar bashkërisht një prodhim të ri të mbrojtjes e sistemit ushtarak dhe falë partneritetit me Izraelin, po rikrijojmë kushtet për prodhimin “Made in Albania” të sistemeve të mbrojtjes, që të shtrihet edhe jashtë vendit. Dua ta përmbyll me notën më mbresëlënëse e më inkurajuese në këtë marrëdhënie, turizmin dhe shkëmbimet midis njerëzve, të cilat më së fundi, po rriten ashtu siç duhet, mbështetur nga fluturimet e drejtpërdrejta midis Izraelit dhe Shqipërisë.”