Hungaria ka shpallur ligjërisht gjendjen e emergjencës pas luftës së rusisë në ukrainën fqinje. Lajmi është konfirmuar nga kryeministri i vendit. Gjendja e emergjencës e lejon tani qeverinë djathtiste të marrë masa të posacme pa qenë e detyruar të kërkojë miratimin e parlamentit. Në një video në mediat sociale, kryeministri Viktor Orban tha se lufta në ukrainë përbën një kërcënim të përhershëm për Hungarinë që po vendos sigurinë fizike të vendit në rrezik dhe po kërcënon sigurinë energjetike dhe financiare të ekonomisë dhe familjeve tona. Ai tha se masa do të hyjë në fuqi duke filluar nga kjo e mërkurë dhe e lejon qeverinë të përgjigjet menjëherë dhe të mbrojë hungarinë dhe familjet hungareze me cdo mjet të mundshëm. Lëvizja vjen pasi partia e presidentit Viktor Orban, miratoi një amendim të kushtetuës që lejon shpalljen e gjendjes ligjore të rrezikut kur konflikte të armatosura, luftra apo katastrofa humanitare ndodhin në vendet fqinje. Kjo lejon qeverinë të lëshojë ligje me dekret, pa mbikqyrte parlamentare dhe të lejojë pezullimin e përkohshëm të një numri ligjesh ekzistues. Qeveria hungareze mori masa të ngjashme në përgjigje të pandemisë së koronavirusit duke u kritikuar nga shumëkush që argumentonte se i kishin dhënë qeverisë autoritetin për të qeverisur me dekrete. Ky ligj i posacëm do të skadonte më 1 qershor.