Ish-kryedemokrati I rikthyer në politikën active pas më shumë se 1 viti heshtje, vijon turin e takimeve me demokratët, duke synuar rikthimin. Këtë të shtunë, Lulzim Basha, është takuar me demokratët e Korçës, ku kërkon votën e tyre më 29 korrik, përballë rivalit të tij Gjergj Hani, për një rikthim në krye të PD. Ndër premtimet e tij më të zëshme është ai I listave të hapura, por edhe ndryshime kushtetuese që zhbëjnë marrëveshjen e 2008-ës, për systemin elektoral. ‘Ne do të përkushtojmë çdo energji në hapjen, vitalizimin dhe modernizimin e strukturave të Partisë Demokratike. Kjo kërkon angazhimin e secilit prej nesh në zgjerimin e formacionit tonë politik me përfshirjen e të gjitha grupimeve shoqërore, e të rinjve dhe të rejave, që besojnë te demokracia dhe një partneritet i ngushtë me Shtetet e Bashkuara të Amerikës, Bashkimin Europian dhe Britaninë e Madhe. Të lirë nga hijet e së shkuarës, kemi përgjegjësinë të japim një model te ri në politikbërjen e vendit. Me Aleancën Qytetare për Demokraci do çlirojmë ekonominë dhe do të çojmë përpara ndryshimet kushtetuese, që do të zhbëjnë marrëveshjen e 2008-ës, dhe do të mundësojmë listat e hapura, vetting-un e politikanëve, votën e emigrantëve, kufizimin e mandateteve.’- thekson Basha në një postim në rrjetet sociale. Sipas tij është e domosdoshme të rritet mekanizmi i kontrollit dhe logaridhënies së qeverisë, pavarësisht kush e drejton atë.