Presidenti Joe Biden do të nënshkruajë 10 urdhëra ekzekutivë që kanë si qëllim të forcojnë luftën kundër koronavirusit që ka gjunjëzuar shtetet e bashkuara. Vaksinimi do të përshpejtohet dhe testimet do të rriten. Legjislacion emergjent do të përdoret për të rritur prodhimin e produkteve të domosdoshme sic janë maskat. Ndryshe nga ish presidenti Donald Trump, politika nënvizon një strategji kombëtare dhe jo varja tek shtetet e vecanta që kanë mundur deri më tani të vendosin se c’është më e mira për ta. Lëvizja vjen vetëm një ditë pasi Biden bëri betimin si presidenti i 46 i SHBA. Administrata Trump është akuzuar gjerësisht se ka dështuar në përballjen me pandeminë. SHBA është vendi më i goditur në botë nga pandemia me më shumë se 400 mijë jetë njerëzish të humbura. Në fjalimin e tijtë inaugurimit, Biden paralajmëroi se pandemia e koronavirusit në shba po hynte në periudhën më vdekjeprurëse. Zyrtarët e administratës së re ndërkohë thonë se nën Donald Trump nuk ka asnjë strategji në nivel federal dhe nuk kishte as një qëndrim të përgjithshëm. E gjithë kjo, me hyrjen e presidentit Biden në zyrë, ndryshon.