David Beckham ka rënë në depresion të thellë pas kartonit të kuq të marrë në ndeshjen mes Anglisë dhe Arggjentinës në Botërorin e Francës së vitit 1998. Është bashkëshortja e ish kapitenit të Tre Luanëve që ka rrëfyer për presionin e madh që përjetoi David pas atij ndëshkimi në serialin e ri dokumentar të Netflx, ‘Beckham’ që do të shfaqet të mërkurën. Në këtë serial dokumentar flitet për karrierën e David Beckham e parë nga këndvështrimi i personave të tij më të afërt. Në episodin e dytë të dokumentarit, Viktoria dhe David diskutojnë për atë cfarë ata kanë përjetuar në fund të viteve ’90, pas përjashtimit të Beckham me karton të kuq në përballjen me Argjentinën pas një episodi me Diego Pablo Simeone, aktualisht trajner i Atletico Madrid “Ai ka qenë në depresion, në depresion të thellë. Unë e kam vuajtur shumë, ende dua t’i vras ata njerëz-është shprehur ish pjesëtarja e grupit ‘Spice girls’