Në ditën e parë të plotë të paqes në Gaza, punonjësit e shpëtimit dhe civilët filluan të llogarisin me shkallën e shkatërrimit nga lufta. Agjencia e Mbrojtjes Civile e Gazës tha se besin se më shumë se 10 mijë trupa ndodhen nën rrënojat e qytetit të shkatërruar nga bombardimet. Zëdhënësi Mahmoud Basal i tha BBC-së se ata shpresonin të nxirrnin trupat e pajetë brenda 100 ditëve dhe më pas ti varrsnin ata. Por operacioni mund të vonojë pasi mungojnë buldozerët dhe pajisjet e tjera thelbësore. Imazhet e reja të Gazës pas armëpushimit të së dielës tregojnë veç shkatërrim, veçanërisht në pjesën veriore të enklavës. OKB-ja ka vlerësuar më parë se 60% e strukturave në të gjithë Gazën janë dëmtuar ose shkatërruar. Megjithëse tingujt e bombardimeve u zëvendësuan nga festimet kur filloi armëpushimi të dielën, por realiteti me të cilin përballen njerëzit në të gjithë Gazën mbetet i dëshpëruar. Sipas Programit Botëror të Ushqimit të OKB-së (ËFP), lufta ka lënë më shumë se dy milionë banorë të Gazës të pastrehë, pa të ardhura dhe plotësisht në skamje. Të hënën, 915 kamionë të tjerë me ndihma hynë në enklavë, tha OKB, numri më i lartë që nga fillimi i luftës 15 muaj më parë. Agjencia e Mbrojtjes Civile të Gazës tha në një deklaratë të hënën se 48% e personelit të saj ishte vrarë, plagosur ose ndaluar gjatë konfliktit, dhe 85% e automjeteve të saj ishin dëmtuar ose shkatërruar.