Dy persona janë arestuar në Elbasan pasi u kapën duke transportuar 7 emigrantë të paligjshëm në dy automjetet e tyre. Me finalizimin e operacionit ‘Danubi 7, u arrestuar Nertil Mimini banues në Pogradec pasi u kap në fshatin Xibrakë të Librazhdit duke transportuar me një automjet 3 emigrantë të paligshëm kundrejt pagesës 50-150 euro për person, të cilët ishin fshehur në bagazhin e makinës. U arrestua dhe Lajdon Lamllari, 34 vjeç banues në Korçe, pasi u kap në aksin rrugor Labinot-Elbasan duke transportuar me një automjet 4 emigrantë të paligjshëm, të cilëve iu kishte premtuar kalimin drejt vendeve të Bashkimit Europian kundrejt pagesës. Në cilësinë e provës materiale u sekuestruan 2 automjete, 4 celularë dhe një sasi parash e dyshuar e perfituar nga kjo veprimtari e paligjshme, informon policia.