Apeli I Posaçëm ka vendosur të rrëzojë kërkesën e Suel Çelës alias Marjus Lulaj, I cili kërkoi nga arratia një masë më të butë sigurie sesa atë të “arrestit në burg”. Suel Çela u shpall në kërkim në kuadër të Operacionit “Plumbi I Artë”, në maj të vitit 2022, kur u goditën disa prej grupeve kriminale më të rëndësishme në vend. SPAK lëshoi në kuadër të këtij operacioni 32 urdhër-arreste, ku rreth 20 prej tyre janë ekzekutuar e ndërsa disa të tjerë, kryesisht kokat e bandave ende nuk janë kapur., Operacioni u zhvillua pasi vrasësi me pagesë Nuredin Dumani zgjodhi të bashkëpunonte me drejtësinë dhe të rrëfente disa prej krimeve më të rënda të 10 viteve të fundit kryesisht në Tiranë, Durrës, dhe Elbasan. Ndër të tjera, Dumani ka rrëfyer se një prej porosive ishte dhe ekzekutimi I Elton Kilës, kokën e të cilit e kërkonte pikërisht Suel Çela. Madje vetë Dumani ra në kurthin e rivalëve ditën kur kishte shkuar të kryente këtë ekzekutim, por mbeti I plagosur rëndë pasi u gjet përballë një prite. Më pas ai u vetëdorëzua në polici, së bashku me bashkëpunëtorin e tij, Henrik Hoxhajn. Një tjetër urdhër-porosi për vrasje nga Suel Çela, sipas Nuredin Dumanit, ishte dhe ajo ndaj drejtorit të shkollës Ëilson, Lulëzim Masha, në janar 2022, ku fatmirësisht autorët dështuan të finalizonin planin. Për këtë vrasje, Çela I kishte premtuar Dumanit 200 mijë euro.