Britania e Madhe është kthyer në shtëpinë e dytë të shqiptarëve, një pjesë e mirë e të cilëve zhvendosen në vendin ishullor për tu marrë me punë ilegale në mënyrë që të fitojnë para sa më të shpejtë dhe pa shumë lodhje. Numri i shqiptarëve të arrestuar në Angli rritet thuajse cdo ditë, ndërsa së fundmi 4 shtetas të tjerë u vunë në pranga, pasi akuzohen se janë anëtarë të një grupi kriminal që merren me pastrim parash dhe trafik të lëndëve narkotike. Shtypi britanik ka publikuar detaje nga operacioni policor, ku thuhet se gjatë arrestimit 4 shqiptarëve iu gjetën dhe iu sekuestruan 340 mijë paund cash dhe kokainë me vlerë 400 mijë paund. Të arrestuarit për këtë veprimtari kriminale janë Rustem Dauti 30 vjeç, Fisnik Kurtuca, 32 vjec Florian Meshi 22 vjeç dhe Azem Gashi 26 vjeç. Ky fundit akuzohet për trafik droge, pasi gjatë kontrollit në banesë iu gjetën 4 kg kokainë dhe rreth 100 mijë paund, para që dyshohet se kanë rrjedhur nga aktiviteti kriminal.