Kryetarja e LSI Monika Kryemadhi ka vijuar turin e takimeve duke u ndalur në qytetin e fierit. Gjatë bisedës me banorë, Kryemadhi tha se ndonëse Fieri është një nga qytetet që mban peshë kryesore në buxhetin e shtetit për shkak të industrisë së naftës që momentalisht ka degraduar, ka shumë familje fierake që përballen sot me varfëri dhe rënie të të ardhurave. Duke u ndalur tek problematikat e buqjësisë, Kryemadhi ripërsëriti idenë për heqjen e TVSH-së për prodhimet shqiptare për të stimuluar uljen e çmimeve që do të shoqërohet me shtimin e shitjeve. Sepse ne shohim dy standarde, një standard shohim shqiptarët që i hedhin apo i groposin prodhimet e tyre në rrugë, ndërsa kemi standardin tjetër që dy apo tre biznese importojnë qoftë qepën, hudhrën apo edhe pataten e domaten, ndërkohë që mund të kemi prodhimet tona. Nëse ne nuk do ti japim dorën njëri-tjetrit, ku të tregojmë që kjo TVSH e ushqimeve jo vetëm që nuk e ndihmon fshatarin, por përkundrazi e la atë pa e shitur prodhimin e tij, ndërkohë që pikat e grumbullimit e kthyen në biznes, ku merrnin prodhimet nga jashtë, i grumbullonin dhe pastaj i shisnin po prapë jashtë, solli një dëmtim të madh të bujqësisë. Për të mos folur pastaj për blegtorinë, për mishin për shembull ku ne vetëm 30 për qind të kërkesave plotësojmë me prodhimin vendas, ndërkohë që e gjithë pjesa tjetër importohet. Qoftë për mishin e qengjit, qoftë për shpendët, për mishin e vicit e të tjera me radhë. Kryemadhi tha se si pasojë e pandemisë së covid 19 në Shqipëri janë mbyllur 9 mijë biznese, ndërsa në Kosova numërohen 1300 të tilla. Sipas kryemadhit kjo diferencë me Kosovën lidhte me mbështetjenq ë shteti iu dha atje bizneseve, ndësa tek kjo mbështetje linte për të dëshiruar. Ajo tha se vetëm përmes votës duhen të dënuar ata që krijuan këtë situata dhe klimë mosebsimi të njerëzve dhe rinisë që mendojnë vetëm largimin. Të mos harrojmë që gjykatësit më të mirë janë qytetarët me votën e tyre dhe unë jam e bindur që më 25 prill gjykimi i vërtetë do të jetë perfekt, si asnjëherë tjetër. Më 25 prill shqiptarët do të marrin vendimin: Ose të ikin të gjithë nga Shqipëria dhe Edi Rama të vazhdojë të rrisë taksat, çmimin e energjisë, ose shqiptarët të rrinë këtu, të rikthehen edhe ata që kanë ikur, të ulim taksat, të krijojmë vende, punë të mirëpaguar, arsim cilësor, të jemi më konkurrues në rajon qoftë me prodhimet vendase, qoftë me diplomat universitare, qoftë me shkollat profesionale, qoftë me shërbime, se kemi një vend të mrekullueshëm